Zimbabwe leh Afghanistan chak nghal

ICC World Twenty20 chu March 8 khan khelh ṭan a ni a, match hmasa berah Zimbabwe chuan run 14-in Hong Kong an hneh nghal.

Match hnihnaah Af-ghanistan leh Scotland in hmachhawn ve lehin Afghan cricketer-te an dingchang zawk a, run 14 vekin an chak.

Zimbabwe-in over 20-ah run 158 siamin mi pariat an hloh a, Hong Kong-in over 20-ah run 144 chiah tlina mi paruk an hloh avangin chak lo zawkah an ṭan a ngaih phah ta a ni.

Zimbabwe bats-man zingah Vusi Sibanda chuan ball 46 hmachhawnin run 59 a vaw chhuak a, run a siam hnem ber. Hong Kong tan ball 44-a run 53 vaw chhuaktu Jamie Atkinson che ṭha ve bawk mah se a ṭhiante'n an puih ṭhat tawk loh avangin a team hi hnehna a chanpui zo ta chuang lo.

Inkhel hnuhnung zawk-ah Afghanistan-in over 20-ah run 170 an siam a, mi panga an hloh. Scotland lamin over 20-ah run 156 chauh tlina mi panga an hloh avangin run 14-in a tlawm zawkah an ṭang ta a ni.

Afghanistan tan ball 39-a run 61 vaw chhuak-tu Mohammad Shahzad leh run 55 siama a tawp thleng dam captain As-ghar Stanikzai-te an hmuhnawm hle.

Scottish batsman zing-ah run 41 siamtu George Munsey leh run 40 siamtu Kyle Coetzer-te an khel chhe hran lo bawk.

Nimin tlai khan Bang-ladesh leh Netherlands an inhmachhawn , zan dar 7:30-ah Ireland leh Oman in hmachhawn bawkin he chanchin buatsaih a nih lai hian an result kan hre hman lo.

Vawiin tlai dar 3:00-ah Scotland leh Zimbabwe an inhmachhawn ve leh ang a, zan dar 7:30-ah Hong Kong leh Afghanistan an inhmachhawn bawk ang.