FIFA-in India a hrem

Khawvel huapa football thuneitu sang ber FIFA chuan India chu FIFA World Cup qualifiers Iran nen an khelh ṭuma player chhawr theih loh Eugeneson Lyngdoh an chhawr avangin an hrem.

FIFA disciplinary committee chuan Eugene-son hian Oman leh Guam an hmachhawn ṭumin yellow card a chawi ve ve a, September 8-a Iran 3-0 a an hneh lohna inkhelah hian a inlan thiang lo niin an sawi.

India hi nuai 4.08 chawi-tir an ni a, 3-0 a chak lo zawka puan tur an ni bawk. Chak lo zawka puan an nihna erawh India tan Iran an hneh chuan loh avangin awmzia a awm lo.

Eugeneson hi hliam vangin a chawl mek a, March 24-a Iran leh March 29-a Turkmenistan hma-chhawn tur India pro-ba-bles squad-ah telh a ni lo.

Hetihlai hian East Ben-gal midfielder Sehnaj Singh chu Guam an hma-chhawn ṭuma direct red card-a hmuh avangin nuai 3.40 chawitir a ni bawk.