National champion hmuak dawn

Vawiin hian All India Masters (Veteran) National Badminton Championship 2016 champion Ralliantawna chuan Aizawl a lo thleng dawn a, Ramhlun United Badminton Club-in Mizoram tihmingṭhatu hi an hmuak dawn.

Veteran National Badminton Championship hi Coimbattore, Tamil Nadu-ah March 5-6 khan neih a ni a, he hunah hian Mizoram aiawha kal Ramhlun Venglai pachal hi 70+ category-ah a champion a ni.

Mizoram Badminton Association tana bung thar siamtu Rallian-tawna hi India Champion leh National seeded no 1 a ni mek a, nakkumah India aiawhin World Masters Badminton Championship a khelh ang.