Robin van Persie hnawl a ni

Netherlands coach Danny Blind chuan March 25-a France hmachhawn tur leh England nena friendly match an khelh tur a tan squad a puang a, Robin van Persie tan hmun a awm lo.

Arsenal striker hlui hian ram tan match 101 a khelh aṭangin goal 50 a khung a, ani aia khung tam an la awm lo. Netherlands tana match 100 khel tling thei player pariat zinga mi a ni bawk.

Kum 32-a upa Van Persie hian tun season-ah Fenerbahce tan goal 10 a khung tawh a, ram tana a inlan hnuhung ber chu November 2015 daih tawh kha a ni.

Blind hian kum 2018 FIFA World Cup thlirin player a khawm ṭan nia ngaih theih a ni a, Klaas-Jan Huntelaar, Luuk de Jong leh Vincent Janssen-te koh an ni thung.

Koh loh langsar zingah Maarten Stekelenburg, Gregory van der Wiel, Bruno Martins Indi, Stefan de Vrij leh Nigel de Jong te hming a langsar hle.

Netherlands Squad

Goalkeepers: Jasper Cillessen (Ajax), Kenneth Vermeer (Feyenoord), Jeroen Zoet (PSV).

Defenders: Virgil van Dijk (Southampton), Daley Blind (Manchester United), Mitchell Dijks (Ajax), Jeffrey Bruma (PSV), Daryl Janmaat (Newcastle), Timo Letschert (Utrecht), Erik Pieters (Stoke City), Jetro Willems (PSV), Joel Veltman (Ajax), Ron Vlaar (AZ).

Midfielders: Ibrahim Afellay (Stoke City), Riechedly Bazoer (Ajax), Jordy Clasie (Southampton), Davy Klaassen (Ajax), Davy Propper (PSV), Wesley Sneijder (Galatasaray), Georginio Wijnaldum (Newcastle).

Forwards: Memphis Depay (Manchester United), Klaas-Jan Huntelaar (Schalke), Vincent Janssen (AZ), Luuk de Jong (PSV), Jurgen Locadia (PSV), Luciano Narsingh (PSV), Quincy Promes (Spartak Moscow), Arjen Robben (Bayern Munich).