Quarterfinal-ah Armed Veng Derby kan hmu dawn

NECS Cup 2016 last 16-ah champion lai Armed Veng chiang takin an chak a, anmahni aia chiangin an ṭhenawm Armed Veng South-in an khingpui an sawp. Inkhel thiam veng pahnih hi quarterfinal-ah an hmachhawn dawn a, Armed Veng Derby hi March 14 chhun dar 12:00-ah Lammualah khelh a ni ang.

Nimin inkhel hmasa berah Chanmari West-in minute 85-naa veteran striker H. Lalnunzira goal hmangin Khatla an hneh hram. MPL club nei Chanmari West hian quarterfinal-ah Keifang leh Venghlui chak zawk an hmachhawn ang.

Match hnihnaah Armed Veng South leh Bethlehem te first half-ah an intluk tawk a, minute 24-naah Lal-ruatfela'n second division-a a club khelhna Bethlehem lamah goal hmahruai a khung a, halftime hma hretin Lalrammuanpuia'n goal hnihna a khung leh bawk.

Second half-ah Armed Veng South an chungnung nalh a, Fela leh Apuia ten goal khat ve ve an khung belh bakah Zosangliana leh R. Lalawmpuia ten goal khung bawkhin 6-0 in hnehna an chang.

Inkhel hnuhnung berah Model Veng-in champion lai Armed Veng an khingpha lo. Armed Veng tan C. Lalropuia, Lalbiakhlua, Vanlalduatsanga leh Lalmuanzova ten goal khat ṭheuh an khung bakah Model Veng player Laltlanhlua'n an lamah a tilut bawk. Armed Veng hi nikuma double champion (NECS Cup & CYMA Football) puitu Lalramchuanna'n a ho a, round hmasa lamah Tuivamit leh College Veng an lo hneh tawh.

Vawiin Inkhel Tur

10:00 AM Keifang vs Venghlui

12:00 PM Chhinga Veng vs Durtlang Leitan

02:00 PM Bethlehem VT vs Salem Veng

Inrinni Inkhel Tur

12:00 Noon Mission VT Vs Vaivakawn

02:00 PM Ramhlun South Vs Chite Veng

Nimin Inkhel Results

Khatla 0 - 1 Chanmari West

Chanmari West: H. Lalnunzira 85'

Armed Veng South 6 - 0 Bethlehem

Armed Veng S: Lalruatfela 24', 48'; Lalrammuanpuia 45', 72'; Zosangliana 51'; R. Lalawmpuia 70'.

Armed Veng 5 - 0 Model Veng

Armed Veng: C. Lalropianga 4'; Laltlanhlua 42'(OG); Lalbiakhlua 73'; Vanlalduatsanga 86'; Lalmuanzova 88'.