Torres-a'n training a zawm lo

Fernando Torres chuan Atletico Madrid training a zawm thei rih lo. Liverpool striker hlui hian kartawpa Valencia nen an inkhelh ṭumin a khupah hliam a tuar a ni.

Torres hi kar tawp Spanish La Liga inkhelah khan hun tawp hma mi-nute 10 pawh awm tling tawh loah a lut a, goal khat khungin a team hi 3-1 a hnehna a chan puiin league title lak an bei-sei-na an chhawm nung zel.

Thuchhuah siamin Atletico Madrid chuan, "Fernando Torres hian Valencia kan hmachhawn ṭum khan a khup ding-lamah hliam a tuar a, Maja-dahonda's Fremap Clinic-ah MRI tih niin hun rei vak lo chhung chu inenkawl a ngai dawn," an ti.

Tun dinhmunah Atle-tico hian league match 28 khelh tawh aṭangin point 64 an hmu tawh a, hmahruaitu Barcelona chu point riatin an phak lo mek a ni.