Chi-ai loh tur - Allegri

Juventus coach Mas-similiano Allegri chuan zanin dar 1:15-a Sassuolo nen Serie A match an khelh turah a naute chu chi-ai lo turin a fuih a, kar leh a Bayern Munich nen an inkhelh tur chu ngaihtuah hmasa lo turin a ti bawk.

Nikum October thla khan team pahnihte hi an lo intum tawh a, Juve hi 1-0 in an chak lo! Season bul ṭan ṭha lo The Old Lady hian an match hmasa 10 aṭanga point 12 hmuin table-ah 11-na an ni nghe nghe. Mahse tunah chuan an insiam ṭha tawh a, point 54 hmuh theih aṭanga point 52 zet hlawh chhuakin hmahruaitu an ni leh tawh.

Season hmasa khan Juve hian Champions League final an lut a, mahse Barcelona an hneh lo. Tun season-ah Last 16 inpet kai leh tawhin first leg-ah Bayern nen 2-2 in an inhnehtawk a, karleh hian Allianz Arena-ah second leg an khel ang.

Italian manager Alleg-ri chuan, "Kan tan chuan Champions League nomawi chawi aia thil chak-awm hi a tam lo a, chumi tur chuan kan theihna zawng zawng pawh kan hmang tur a ni. Mahse, tunah chuan Bayern ni loin Sassuolo hi kan ngaihtuah hmasak tur chu a ni, chetsual nawn a thiang lo," a ti. Juve hi anmahni hnaih bertu Napoli nen point thum chiahin an inthlau mek.

Juve hian an defender Giorgio Chiellini chu chawn na vangin an la chhawr theih a beisei awm loh.