Alonso hote an chak zel

Bayer Leverkusen-in Xabi Alonso hnuaiah bul an ṭan ṭha a, Bundesliga match kuaah hneh loh tawng loin vawi riat an chak a, Bayern Munich chungah awmin hmahruaitu an ni. Pathianni zan khan Leverkusen hian SC Freiburg chu 2-1 in an hneh a, German rawlthar duhawm Florian Wirtz leh Germany international Jonas Hofmann ten goal an khung.

Bayern hi 2015-16 season khan Pep Guardiola hnuaiah match hmasa pakua an chak vek a, hei hi tun thlenga season bul ṭan ṭha ber record a ni. Ottmar Hitzfeld hnuaiah Bayern tho hian 1998-99 season khan match riat chakin vawi khat an inhnehtawk a, he record hi Alonso hote hian an nihrual.