Real-in Chelsea keeper duh

La Liga hmahruaitu Real Madrid chuan Chelsea keeper, loan-a an hawh mek Kepa Arrizabalaga chu a ngheta lakluh an duh a, Spanish keeper hian Santiago Bernabeu-ah a ngheta khelh a duh bawk avangin chance a sang hle.

Chutihrual chuan Real hian Kepa la lut tura sum tam tak insen an tum lo a, Blues hi pound maktaduai 17.5 aia tam pek an tum lo - London club hian kum nga liam ta khan Kepa hi khawvela goalkeeper man to ber ni turin £71.6mtd-in an lei.

Mahse, Chelsea-ah tluk leh din fawmin hun a hmang a, tun season-ah Real-ah loan-a khelin, Thibaut Courtois inhliam laia Real tana si ban nghaktu rinawm a ni.

Stamford Bridge-a thla 20 chiah contract nei tawh keeper hian Real hi Spanish club-in an ngamna ang zata a ngheta a zawm a nih chuan Chelsea hian £50mtd vel chu an chân dawn tihna a ni a, a uiawm tham khawp ang!

Kepa hian Blues-ah hian kar khatah £1,76,000 a hlawh a, Real hi a ngheta a zawm a nih chuan a hlawh hi a tihhniam a ṭul dawn nia sawi a ni a, Real hian Kepa an neih hlen theih nan an number 2 ni lai, Ukrainian keeper Andriy Lunin chu Blues hi pek tel an pawi ti lo bawk.

Coach thar Mauricio Pochettino hnuaia beisei phak hleithei lo Chelsea hian zanin dar 1:15-ah League Cup last 16 an khel dawn a, Blackburn Rovers an mikhual ang.