Copa del Rey first round khel ṭan

Spanish football-a inelna ngaihhlut hlawh tak Copa del Rey first round chu nizan aṭang khan khelh ṭan a ni a, zanlaia khelh a nih hlawm avangin he thu buatsaih a nih lai hian result kan hre

hman lo.

First round aṭang hian La Liga club-te an inlan tawh dawn avangin inelna hian ngaihven a hlawh sawt a, chutihrual chuan 2022–23 Primera Federacion (Spanish third division) champion leh Spanish Super Cup-a inlan club palite chu first round-ah hian an la inlan rih lo a ni.

Supercopa de Espana-ah hian Real Madrid, Barcelona, Osasuna leh Atletico Madrid te an khel a, Spanish football-a club ngaihven hlawh zual pathum chu an la inlan dawn rih lo tihna a ni.

First round inkhela chakte hi second round-ah an lut ang a, second round zawhah hian round of 32 khelh tur niin, round of 32 aṭang hian Spanish Super Cup club-te hi an inlan ve chauh ang.