Tata SK 612 LPS Pro Fight NT Biakkima a chak chiang

Thawhṭanni zan khan Tata SK 612 LPS Pro Fight chu quarterfinal khelh a ni a, tualchhung mai bakah ram pawn thlenga tawnhriat nei ṭha NT Lalbiakkima chuan a khingpui C. Lalchhanhima chu unanimous Decision (30-27, 30-27, 29-28) a hnehin semifinal a lut.

Inelna hi LPS Arena, Falkland Vengah neih niin middleweight-ah boxer 14 telin 16 an tlin loh avangin semifinal lut chinin lawmman pawisa fai an dawng dawn a. Weight dang zawngah quarterfinal-a tlain Rs 5,000 zel an dawng.

Zanin hian a hmun ngaiah quarterfinal khelh chhunzawm a ni ang. Semifinal aṭangin professional boxing glove hman a nih dawn bakah round li an khel tawh dawn a ni.