Match thum atan Auba an hrem

Arsenal striker leh captain ni bawk Pierre-Emerick Aubameyang chu Crystal Palace midfielder Max Meyer a tlawh avangin red card pek a ni a, match thum khel thei lo tura hremna pek a ni bawk.

Gunners hian Auba hremna hi an khinglet a, mahse Gabon international hremna hi a pangngaia kaltlangpui a ni. Inrinni zana Sheffield United nen Premier League an khelh aṭangin hremna hi a hmang ṭan ang.

Arsenal manager Mikel Arteta chuan, "A zahthlakin kan tan chuan channa lian tak a ni. Mahse, a hun loah a chesual a, hrem a nihna hi kan pawm a ngai. Chutihrualin a thil tih kha chu tihpalh liau liau a niin ka hria. "Team ka enkawl hnuah Auba hi a thawkrim tih ka hria, hma a sawnin goal pawh a khung thei. Player neih pawimawh berte zinga mi kan chan a ni. A hmun ruak luah tur player dang tan hun ṭha a inher chhuak tihna a ni thung," tiin a sawi.

ṭ

Sheffield United bakah Chelsea nen league match an khelh turah a inlan thei dawn lo. FA Cup fourth round khel tura Bournemouth an tlawh hunah pawh a inlan thei lo bawk ang. Auba hian manager thar Arteta kaihhruaina hnuaia league match vawi li a khelhah goal thum a khung thei, ani a awm loh chuan striker Alexandre Lacazette chungah mawhphurhna a sang zual dawn a ni.