Tlai 2:00-ah Delhi Vs Rajasthan

I League-ah vawiin chawhnu dar 2:00 hian Delhi FC-in Rajasthan an mikhual dawn. Delhi hi Aizawl FC coach hlui Yan Law enkawl a ni a, an match hmasa berah Trau FC nen 1-1 in an inhnehtawk. Pushpender Kundu enkawl Rajasthan hian an match hmasa berah Real Kashmir 2-0 in an hneh lo thung.

Delhi FC hian MPL9 best midfielder K. Vanlalhriatzuala an kawl a, match hmasa bera Trau nen an inhnehtawk ṭum pawhin a khel tluan. Rajasthan hian Mizo player paruk Vanlalzahawma, C. Lalchungnunga, Sairuatkima, Lalbiakzuala, Zothanpuia leh C. Lalhunmawia te an kawl. Dawrpui Vengthar tlangval Sairuatkima hian match hmasa berah bul a ṭan a ni.