Chhiatna rapthlak zawk thleng thei a ni - Grosso

Lyon manager Fabio Grosso chuan Pathiannia an chuanna bus beihna chungchang sawiin, "Chhiatna rapthlak zawk thleng thei a ni," a ti.

Stade Velodrome-ah Marseille leh Lyon te inkhel tur an ni a, amaherawhchu Lyon chuanna bus-in beih a tawh avangin inkhelh hun an sawh phah. Grosso bakah a assistant Raffaele Longo te chuan an hmaiah hliam an tuar.

Kum 45 mi Grosso chuan, "Kan hmalam hun atan inzirna ṭha tak ni se, ka ti takzet. Chhiatna rapthlak zawk a thleng thei a, kan pumpelh a ni," tiin an thil tawh ang chu thleng nawn tawh lo se a duh thu a sawi.

Italy international hlui Gross hi hmun 12-ah ṭhui a ni a, Thawhlehnia training-naah pawh a tel thei lo. He thil thleng avang hian mi pakua chu man an ni.