Champion lai Leipzig an tla

German Cup champion lai RB Leipzig chuan an nomawi an humhim thei dawn lo. Thawhlehni zan second round inkhelah RB Leipzig hi an khingpui VfL Wolfsburg lakah 1-0 a chak loin an zinkawng a tawp a ni.

Leipzig hian German Cup bikah hian tun hnaiah result an nei ṭha ṭhin, kum 2022 leh 2023 khan an champion a, kum 2021 khan final an lut bawk. Mahse, mualneitu Wolfsburg tana Vaclav Cerny goal khung chu an sut thei lo.

Minute 56-naah Leipzig forward Yussuf Poulsen chu yellow card vawi hnihna hmuh avangin hnawhchhuah a ni a, player kim loa an khelh avangin a tawp lam goal khung mamawh hunah pawh an che hleithei lo a ni.

Inkhel dangah Bundesliga club pahnih intawng bawkin - VfB Stuttgart chuan Champions League khel phak Union Berlin chu si khat faiin an hneh. Tun hnaiah inelna hrang hranga an match hnuhung 11-ah an tlawm vek.

Nizan khan Bayern Munich chuan Saarbruecken an tlawh a, team ṭha Borussia Dortmund chuan Hoffenheim an mikhual thung.