Olympic football khel lo tur India hmeichhia

2024 AFC Women's Olympic Qualifying Tournament-a an match hnuhnung berah India hmeichhe team chuan 3-0 ngawtin Uzbekistan an ngam lo a, 2024 Summer Olympics women's football tournament-ah India hmeichhe team an inlan dawn lo - Uzbekistan tan hian Nilufar Kudratova chuan goal hmahruai khungin, Lyudmila Karachik chuan goal hnih a khung bawk.

First round-ah India hi group G-ah awmin, Kyrgyzstan leh Turkmenistan te nen an awm ho. Turkmenistan an inhnuhdawh avangin Kyrgyzstan nen vawi hnih an inkhel a, hnehna chang ve vein second round an lut.

Second round-ah India hi Japan, Uzbekistan leh Vietnam te nen an awm ho a, Uzbekistan laka an tlawm hma hian Japan (7-0) leh Vietnam (3-1) lakah an lo tlawm tawh bawk a, India hmeichhiate tan Olympic football khelh phak chu a la sang lutuk hret.

Third round-ah hian second round-a group pathum hmahruaitu Australia, North Korea leh Japan an tling a, pahnihna ti ṭha ber Uzbekistan an tling bawk. Uzbekistan hian Australia hmachhawnin, North Korea hian Japan an hmachhawn ang a, double leg-a khelin, a chak zawk ve ve chu Olympic football khel tur hian an tling ang.