Aizawl FC hmachhawn tur Mama leh Robert
TATA Football Academy aṭanga inzir chhuak S. Malsawmtluanga leh Robert Lalthlamuana-te'n professional kawng an zawh tirh khan Mizoramin India ram league sang berah club an nei ang tih ngaihtuah pha an awm kher lo ang.
Tunah chuan Mizoramin I League-ah Aizawl FC an nei tawh a, RG Stadium-ah Mizote football hmanga tihming ṭhatuten inlan hun ṭha an nei a, an luh leh luh loh chu head coach Biswajit Bhattacharya kutah a awm.
Mizo player chungchang sawiin East Bengal coach Bhattacharya chuan, "Mama hi player ṭha tak a ni a, ka player pawimawh a ni. Season tir lamah khel ngun mah se a tlakhniam deuh avangin hun engemawti chhung a awl a, match hnuhnung berah starting eleven a chang a, tun ṭumah pawh hian in beisei thei ang. Robert hi kan captain a ni a, Aizawl FC a hmachhawn ngei dawn e," tiin nimin tlai press conference-ah a sawi. India international midfielder Lalrinkdika Ralte erawh inhliam vangin hruai tel a ni lo.
Vanglaini palai chuan vawiina an inkhel tur pualin Mama leh Robert-te a kawm a, inbiakna chu a hnuaia tarlan ang hi a ni.
Hun duhawm bik
Mama : Hun duhawm hi ka tawng hnem tawh a, sawi bik tur pawh ka hre lo. Mizoram tana ka khelh hmasak ber 1998-a (Subroto Cup ) captain a tana min dahte, 1999-a India ram aiawha ka khelh hmasak ber Lions Cup, Singapore (U16) a ka khelhte, 2002-a India ram club lian ber mai East Bengal ka zawm a derby hmasa ber ka khelha chakna goal ka score-te, 2003 Asean Cup, Jakarta a kan champion-te bakah club hrang hrang tan National Football League, Durand Cup, IFA Shield, Fed Cup, Super Cup-a kan champion-te chu hun duhawm tak vek a ni.
Robert : Ka hun tawna nuam ber chu TATA Football Academy aṭanga best Cadet nichunga ka graduate thei kha a ni.
Mizoram ngeia I League khelh
Mama : Mahni ram ngeiah I League kan han khel dawn chu a ni a, mumang a ang ka la ti tlat. Kum kha leh chen aṭanga ka lo nghah leh ka lo ngaihtuah ṭhin kha a takin a lo thleng ta reng mai. MFA leh Aizawl FC club chungah leh Mizo mipui zawng zawng football ngainatute chungah lawmthu ka sawi mawlh mawlh duh a, team zinga ka lo kal thei hrim hrim pawh hi ka lawm a ni. Khelhna hun ka neih phei chuan theihtawp ka chhuah ang, mahse kan chak leh chak loh chu Pathian thu thu a ni.
Robert : Mizo footballer tena duhthu kan sam a kan sam tel ve ziah ṭhin ti ila kan sawi sual lo ang. Mahni ram ngeia I Leaque kan khel thei tur hi lawmawm ka ti a, a ropui ka ti takzet.
Champion chungchang
Mama : Game a nia, ball pawh a mum ang hian engkim thleng thei a la ni.
Robert : Match khelh tur a la awm nual a, champion-na chance chu a la awm ka ti.
Foreign player ṭha tih
Mama : Foreign playerah hian han khelṭha fal bik an awm chuang lo, an in ang khat viau rihin ka hria.
Robert : Mohun Bagan winger Sony Norde