Dunga-a'n Olympic khel turin Neymar a duh

Brazil coach Dunga chuan Bar--ce-lona superstar Neymar chu kumin nipui laia neih tur Olympics-ah inlan ngei se a duh a, Copa America Centenario-ah chuan inlan lo zawk mai se a duh a ni.

Kum 24-a upa Neymar hian nipui lai hian tournament pakhat bak a khelh theiin a rinawm loh a, August 5-21 chhung khian Rio Olympic neih tur a ni a, season chawlh lai June 3-26 khian 2016 Copa America Centenario khelh tur a ni bawk.

Inelna lian pahnih hi a neih hun tur inang lo mah se season chawlh laiin player pakhat tan season chawlh laia tournament pahnih khelh chu thil tih chi a ni lo.

Brazil captain chungchang sawiin Dunga chuan, "Thutlukna siam thiam a har hle a, mahse Brazil hian a vawi khat nan Olympic-a football inelnaah hian gold medal la ve ngei se ka duh a, chumi atan chuan Neymar hi a pawimawh," tiin a sawi. Kumin hian Brazil hian Olympic an thlen dawn avangin a vawi khat nan football-ah gold lak an in beisei ve mek.

June thla a khelh tur Copa America-ah hian Brazil hi Group B-ah awmin Ecuador, Haiti leh Peru-te nen an awm ho a ni.