Hodgson hma hun a chiang lo

Roy Hodgson chuan Euro 2016 khelh zawh a nih hunah England a la enkawl chhunzawm zel dawn leh dawn loh a chian loh thu a sawi chhuak.

Kum 68-a upa Hodg-son hian kum 2012 khan kum li daih contract a ziak a, tuna an inremna hi kumin European Championship khelh zawh a nih rual hian a tawp tawh dawn.

England hian kum 2012 Euro-ah khan Hodgson kaihhruaina hnuaiah quarterfinal an thleng a, mahse penalty shootout-ah Italy hneh loin an tla.

Zawhna chhangin Hodgson chuan,"FA leh ram mipuite hian England enkawl zel tura min duh a nih phawt chuan ka tan chuan thu lawmawm a ni ang. Chutiang ni loa hna thawk chhunzawm tura min duh lo a nih chuan lawm taka ka kal sawn mai a ṭul dawn a ni. Ka hma hun hi keima thuthluknaah a innghat lo a, FA lam ruahman leh duh dan zawk a ni," tiin a sawi.