Manchester City chhuahsan tur Aguero

Premier League club Manchester City striker Sergio Ague-ro chuan Eti-had Sta-dium-a a contract zawh rualin Eng-lish club chu chhuahsan a tum thu a sawi.

Argentina inter-national hian August 2014 khan City tan kum nga dang khel turin contract a ziak a, 2018-19 season tawp rualin Etihad Stadium hi a chhuahsan dawn tihna a ni.

Kum 27-a upa striker chuan a club hmasa ber Independiente-ah inkhelh chawlhsan a duh thu sawiin, "City hian ka duh chu an hria a, Argentina lama kir leh ka duh tih hi an hria a ni," tiin league nomawi vawi hnih a chawipui tawh club chuan an rama kir leh a tum thu an hriatpui thu a sawi.

Kum 2011-a pound makta-duai 38-a Atletico Madrid aṭanga City pantu chuan sawi chhunzawmin, "Ka chhung-te chuan kum 2018 ruala ka contract zawh hunah Argentina lamah ka kir leh dawn tih hi an hria a ni," tiin an ram ngeia inkhelh leh a duh thu a sawi.

City tana goal 128 khung tawhtu striker hian 2019 tawp thleng contract a neih laia 2018-a chhuak tur anga a insawi hi a contract rei zawngah a chiang lo niin a lang a, City chuan an striker hian 2019 thleng an hnena cham turin contract a neih thu an tichiang tawh.

Manchester City hian zanin dar 6:15-ah Norwich City chu khualmualah Premier League match khel turin an lenchilh dawn.