Ten Hag an ban dawn em?

Manchester United-in Erik Ten Hag an ban dawn em tih zawhna a ri ring ta hle. Dutch manager hi ban theih dinhmunah a ding tawh. Zanin dar 6:00 hian Man United-in Fulham an tlawh dawn a, hemi result hian Ten Hag-a hmalam hun thui tak a hril ang.

Tun season inelna hrang hrangah Man United hian match 15 khel tawhin vawi riat an chak lo a, kum 1962 hnua season bul an ṭan chhiat ber a ni. Chutihrualin Man United hian Ten Hag hi an ban a nih chuan pound maktaduai 15 chuang zângnadawm nan an pek a ngai dawn thung.

Ten Hag-a contract neih lai hi kum 2025 thleng a ni a, kum khat pawhsei theih dan a awm. United hian Dutch manager hi an ban a nih pawhin a contract neih chen ang hi sum an pek tho dawn tihna a ni.

Amaherawhchu, result ṭha an neih miau loh avangin Ten Hag hi ban theih dinhmunah a ding. Old Trafford-ah an hmelma Manchester City laka 3-0 a an mualpho hnuah hetiang zat bawk hian Newcastle United an hneh lo - League Cup aṭangin an tla.

Zanina an khingpui tur Fulham erawhin League Cup quarterfinal an lut a, champion rinkai zinga mi Arsenal chelh thei an ni bawk. Chutihrualin Man United tan erawh chak ngei a ṭul a, Premier League-a goal la khung lo Rasmus Hojlund pawhin goal a khung a ṭul tawh bawk ang.