Zirlaite tan CAM che chhuak

Cricket Association of Mizoram (CAM) leh Samagra Grassroot Cricket School te an thawkho mek a, he thawhhona hnuaiah hian CAM chuan school thlan bikte cricket a zirtir ṭhin, an mamawh bungrua pawh a tumsak ṭhin.

Tun hnai khan CAM Office, Tuikhuahtlangah Cricket Association of Mizoram hruaitute chuan Samagra School hotute hnenah an mamawh bungrua an pe chhuak.

Samagra Grassroot School Cricket hnuaiah hian Aizawl khawchhunga school thlanchhuah bikte hnenah cricket zirna kalpui ṭhin a ni a, tun season (2023-24) aṭang hian district dang - Serchhip, Siaha leh Zawlnuamah te kalpui a ni.

Heng district/khuaa school naupangte tan hian CAM chuan cricket coaching a thlawnin a pe ṭhin dawn a, naupangten cricket an zirna tur atana bungraw pawimawh leh thawmhnaw te pawh a thlawnin zirlaite hnenah CAM chuan Samagra kaltlangin a pechhuak ṭhin dawn a ni.