Stimac-a'n Lianzuala leh Apuia a ko

India coach Igor Stimac chuan FIFA World Cup 2026 leh AFC Asian Cup Saudi Arabia 2027 Preliminary Joint Qualification atan India squad a puang a, player 28 koh chhin zingah Lallianzuala Chhangte leh Lalengmawia Ralte (Apuia) te an tel.

India hi group A-ah Qatar, Kuwait leh Afghanistan te nen an awm ho a, November 16-ah Kuwait lenchilhin, November 21-ah Qatar an mikhual dawn thung a ni. Group A - I ah ṭhen hran niin, group tina a sang pahnih hi World Cup qualifier third round leh Asian Cup 2027 khel turin an tling ang.