Sinner a inhnukdawk

Paris Masters khelh laiah Jannik Sinner chu a taksa hah rimtawng vangin a inhnukdawk - Sinner hian a khingpui Mackenzie McDonald chu 6-7 (6-8), 7-5, 6-1 in hneh mah se, match hnihnaa Alex de Minaur nen an inkhelh leh turah a inlan ta lo a ni.

Kum 22 mi Sinner chuan, "Kan inkhelh zawh hun kha a tlai êm êm a, mut hahchawlhna hun a awm mumal lo, ka match khelh leh nghal tur nen a inkarah darkar 12 pawh ka nei tling lo, chuvangin inbuatsaihna hun a awm lo," a ti.

Inkhel dangah Novak Djokovic erawh a chak, Serbian star hian Dutch tlangval Tallon Griekspoor chu 4-6, 7-6 (7-2), 6-4 a hnehin quarterfinal a lut a, nizan khan seeded parukna Holger Rune nen inkhelin result erawh kan hre hman lo.