Newcastle boss thar Benitez

Transfer bazar-a sum hmang hnem Newcastle United-in an beisei ang result an neih theih loh hnuah manager Steve McClaren an ban a, a aiawh tura an ruat chu Spanish coach lar Rafael Benitez a ni.

Khawvela club langsar ber ber Liverpool, Chelsea, Real Madrid, Inter Milan leh Valencia-te lo enkawl tawhtu manager hian St.James Park-ah kum thum chhung cham turin contract a ziak a, match 10 chiah khelh tur awm tawha 19-na dinhmun luah mek Magpies hi season tharah Premier League a khelhpui lo a nih erawh chuan a contract hi tihtawp theih a ni ang.

UEFA Manager of the Year ṭum hnih lai ni thei coach chuan, "Ka contract ziah dan hian mak tih a hlawh ang. Mahse, Premier League khel zel tura he team kaihruai tur hian ka inringtawk a, intiamkamna ka neih chhan chu kan che ṭha dawn tih ka hriat vang a ni," tiin a inringtawk hle.

Zanin dar 1:30 hian a league match hmasa berah hmahruaitu Leicester City a hmachhawn nghal ang.