Buffon-a'n minute 926 chhung goal chhuah lo

Juventus keeper Gianluigi Buf-fon chuan Dino Zoff record lo siam tawh minute 903 chhung goal chhuah lo zawn chu a rawn khum ta a, minute 926 chhung goal chhuah tawh loin an club record thar a siam. Italian keeper ropui hian club record siam tur hian vawi 21 ngawt save a nei a ni.

Zirtawpni zan Serie A inkhelah champion lai Juventus hian Paulo Dybala goal khat khung hmangin Sassuolo an hneh a, point 67 hmuin hmahruaitu an nih chhunzawm zel.

Kum 38-a upa Buffon hian Serie A goal chhuah lo zawn rei ber kum 1994-a AC Milan keeper Sebastiano Rossi-a'n a lo siam tawh minute 929 chu lehpelhna hun ṭha a nei dawn a ni.

Juve hian an league match hnuhnung vawi 19 aṭangin vawi 18 hnehna an chang thei a, vawi khat chu an khingpuite nen an inhnehtawk. League-a an chak loh hnuhnun ber chu nikum October thla daih tawh kha a ni.