Bayern tan Muller leh Alcantara langsar

Inrinni zan Bundesliga inkhelah Thomas Muller leh Thiago Al-cantara-te chuan Bayern Munich tan goal hnih ve ve khungin Werder Bremen chu 5-0 in an hneh.

Allianz Arena-a inkhelah Bayern tan Thiago chuan winger Kingsley Coman cross ṭha tak chu minute kuana lekah a khung nghal a, Coman hian Muller goal khung tur a siamsak leh bawk a, chawlhlawk hmain Pep Guardiola nauten 2-0 in hma an hruai.

Second half-ah pawh Bayern bawk an chungnung leh a, German international Muller bawkin an goal thumna khungin substitute Robert Lewandowski chuan goal khat thawh vein hun tawp hma hretin goal hmahruai khungtu Thiago chuan a khung ve leh bawk.

Bayern hian point 66 hmuin league table-ah point riatin hma an hruai.

Guardiola thukhawchang

League match 94 a khelh aṭanga a naute vawi 75 hnehna chanpui thei Guardiola chuan, "Mi tam tak ngaihdan chuan 5-0 a chak hi thil awlsam a ni mai thei, mah se Dortmund chunga awm tur hian kan theihna zawng zawng kan hmang a ni," a ti.