Murray leh Wawrinka chak nghal

Nimin aṭang khan Indian Wells second round khelh ṭan a ni a, Andy Murray leh Stan Wawrinka-te chuan hnehna an chang nghal.

World number 2 Murray hian Marcel Granollers lakah 6-4, 7-6 in hnehna a chang a, Britain fachuam hian a match lehpekah chuan Federico Delbonis a hmachhawn ang.

Inkhel dangah Wa-wrinka chuan Marchenko lakah 6-3, 6-2 in hnehna a chang ve bawk. Tun hnaia rawn inkhel ve leh ṭan Juan Martin del Potro pawhin player hlauhawm a la nih zia a lantir a, seeded parukna Tomas Berdych chu 7-6, 6-2 in a hneh ve bawk.