Djokovic-a'n Nadal a hnaih

Novak Djokovic-a'n a elpui Rafael Nadal hneh chunga ATP Cup a chawi chuan nghawng a nei lian zel. Serbian tlangval hian world ranking chhuak thar berah a chunga awm Spain tlangval chu a hnaih sawt.

Season bul ṭan laia Djokovic-a'n Nadal a phak lohna chu point 930 a ni a, tunah chuan an inkarah point 510 chiah a awm tawh. Kar hmasa lama inelna neih ATP Cup-ah khan Djokovic hian match riat a khelhah hnehna chang vekin a dinhmun hi a sawhnghet.

Kar hmasa inelna dang aṭanga dinhmun siamṭha bawk chu Andrey Rublev a ni. Russian tlangval hian player panga ngawt kal kanin 18-na dinhmun a luah, tennis a khelh hun chhunga a nomawi pathumna ni turin Doha lamah hlawhtlinna a chang a ni.

ATP Ranking Thar

#    Player    Ram    Points

1    Rafael Nadal    ESP    10,235

2    Novak Djokovic    SRB    9,720

3    Roger Federer    SUI    6,590

4    Daniil Medvedev    RUS    5,960

5    Dominic Thiem    AUT    5,890

6    Stefanos Tsitsipas    GRE    5,375

7    Alexander Zverev    GER    3,345

8    Matteo Berrettini    ITA    2,870

9    Roberto Bautista Agut    ESP    2,640

10    Gael Monfils    FRA    2,565

11    David Goffin    BEL    2,555

12    Fabio Fognini    ITA    2,310

13    Denis Shapovalov    CAN    2,200

14    Diego Schwartzman    ARG    2,130

15    Stan Wawrinka    SUI    2,045

16    Karen Khachanov    RUS    1,995

17    Kei Nishikori    JPN    1,930

18    Andrey Rublev    RUS    1,799

19    Grigor Dimitrov    BUL    1,772

20    John Isner    USA    1,770