I League-ah Mizo an mawi

I League-ah Mizo tlangvalte an che ṭha chhunzawm zel. Zirtawpni zan khan Mohammedan SC leh Shillong Lajong te 1-1 in an innehtawk a, Kolkata club tana goal khungtu hi Vairengte tlangval David Lalhlansanga a ni. Inrinni zanah Real Kashmir-in Trau 1-0 in an hneh a, goal awmchhun hi Jeremy Laldinpuia'n a khung bawk.

RG Stadium siamṭhat mek a nih avangin round 2-ah Aizawl FC an inlan lo. Mizo club hian November 7, Thawhlehni tlai dar 4:30-ah Sreenidi Deccan an hmachhawn dawn a, nimin khan Hyderabad an thleng. Sreenidi Deccan-ah Lalromawia chu player pawimawh a ni pha a, Zirtawpni tlaia Inter Kashi an hneh ṭumin Mizo player dang Lalnuntluanga Bawitlung leh R. Lalbiakliana ten goal an khung thung.