A hun tea rah ṭhin Australia

Kumin Cricket World Cup-ah Australia-in bul an ṭan ṭha lo a, amaherawhchu Inrinni zana England an hneh avangin semifinal lut turin an dinhmun a ṭha hle. Aussies hian 33 runs-in Three Lions hi an hneh a, pathumnaah an dinhmun an sawhngheh.

Narendra Modi Stadium-ah England-in vawm hmasak an thlang. Australia-in over 49.3-ah 286 runs siamin an thi fai vek a, chutihrualin an target hi a zahpuiawm bik lo. England tan semifinal beisei tur awm tawh lo mah se mualpho lutuk tur hliah khuh nan chak a pawimawh. Three Lions tan Ben Stokes (64) leh Dawid Malan (50) te chet ṭhat a tawk lo. Over 48.1-ah 253 runs an siam a, Aussies 33 runs-in an chak.

Australia hian Afghanistan leh Bangladesh te an la hmachhawn dawn a, pakhat zawk pawh an hneh a nih chuan a tling ang. Hei bakah hian an chak lo ve ve pawhin tlin theih dan a awm bawk. Semifinal chinah chuan pressure sang ngam Australia team tum châkawm loh an ni leh tawh ang.