Hrangbana College an champion

Reliance Foundation Youth Sports-a college inelnaah Hrangbana College an champion. Inelna hi Under 21 a ni a, college paruk Govt Hrangbana College, Govt Aizawl College, Govt J. Thankima College, Pachhunga University College, ICFAI leh Govt J. Thankima College te an inel a ni.

Team paruk aṭangin team pali thlan chhuah a ni a, heng team pali hi vawi khat ṭheuh inkhel chhuakin point hmu sang ber HBC an champion a, GAC chu pahnihna an ni thung. Inelna tawp kharna hi November 3, Zirtawpni khan 1st Bn MAP Ground-ah neih a ni.

HBC champion puitu midfielder KC Malsawmsanga'n goal ruk a khung a, MPL club Electric Veng FC tana khel midfielder hi top scorer a nih bakah best player atan thlan a ni bawk. HBC goalkeeper Aijalon Lalliantluanga chuan best goalkeeper lawmman a dawng bawk.