Quarterfinal-ah Halep a tla

ATP-WTA Adelaide International khelh laiah Simona Halep chu Aryna Sabalenka hneh loin quarterfinal-ah a tla a, world number 1 hlui hian beisei angin Australian Open inbuatsaihna a nei ṭha tawk lo.

Nimin inkhelah Grand Slam vawi hnih champion tawh Halep hi chak tura rinkai zawk ni mah se Sabalenka lakah set a la lo, darkar khat leh minute 11 an inbeih hnuah 6-4, 6-2 in a chak lo zawkah a ṭang.Sabalenka hian vawiin-ah Dayana Yastremska a hmachhawn leh ang, inkhel dangah Ukrainian tleirawl hian Donna Vekic chu 6-4, 6-3 in a lo hneh ve thung a ni - tun kar chhungin world ranking sang zual 20 zinga player pahnih a hnehna chiah a ni.

Australian Open inbuat-saihna tournament-ah hian world number 1 hlui Angelique Kerber pawh Nilaini khan a zinkawng a tawp. German nula hi Dayana Yastremska nen an inhmachhawn a, 6-3, 2-0 in a hniam laiin hnungzâng na vangin a inhnukdawk.