NECS Cup 2016 A tawpah Armed Veng an tlang

15th March, 2016

Armed Veng Derby-in NECS Cup quarterfinal khelh ṭan a ni a, Player nei ṭha zawk angin Armed Veng South lang mah se hun a tawp meuh chuan Armed Veng huaisen zawkna a lang.

Champion lai Armed Veng-in Aizawl FC winger Lalmuanzova leh Mizoram Police defender B. Zoramthanga (B.Sena) hmangin ṭum hnih hma an hruai a, Armed Veng South-in Chanmari West FC forward Lalnunsanga (Tale-a) hmangin an sut ve ve. Hun tawpah Armed Veng-in an puitlinna lantirin B.Sena'n injury time-ah chakna goal a tauh lut.

Tun hnaia tualchhung football-a ṭhangduang Venghlui FC-in Zo United midfielder Isak Vanlalpeka hmangin Chanmari West lakah goal an khung hmasa zawk a, MPL club nei thei veng hian tawnhriat nei
ṭha H. Lalnunzira (Zirtea) hmangin an sut. Football thiam veng pahnih an inhnehtawk a, penalty shootout-ah Venghlui 4-3 in an vannei.

Armed Veng leh Veng-hlui hian March 17 tlai dar 2:00-ah semifinal an khel ang a, semifinal pakhat zawk khel tur hi vawi-in lamah a chiang ang.