Williams-in Putintseva a hneh

Pathianni zan khan world number 1 Serena Williams chuan Yulia Putintseva hnehin BNP Paribas Open-ah third round a paltlang.

Indian Wells-a inkhelah Williams hian minute 50 chhungin world number 56 Putintseva lakah hian 7-6, 6-0 in hnehna a chang.

Kum 34-a upa Wil-liams chuan, "Putintseva kha player ṭha tak a nih avangin hmachhawn a har tak zet. A bik takin set khatnaah khan a hautak a, set hnihnaah erawh vawi sarih ngawt ace ka siam theih avangin a awlsam phah deuh," tiin a sawi.

Inkhel dangah world number 5 Simona Halep chuan seeded 30-na Eka-terina Makarova lakah 6-2, 6-4 in hnehna a chang bawk a, Jelena Jankovic pawhin Vandeweghe chu 6-0, 6-1 in a hneh ve bawk a ni.