Armed Veng an chak ve ta

Mapuia Cricket League (MCL) 2015 nimina khelhah table mawngphaha awm Armed Veng CC chuan table hmahruaitu Chanmarians CC chu run run 53 in an hneh. Chawhnu inkhelah Chaltlang Sporting Club chuan Zarkawt Lords Cricket chu wicket hnihin an hneh a, he inkhel result avang hian Chaltlang SC chu table chung berah an invawrh chho.

Vawiin chawhma dar 10:30 hian Suaka Memorial Cricket Stadium, Sihhmuiah Kulikawn CC leh Chhinga Veng CC te an inkhel dawn a, LPS1-ah live-a pek chhuah a ni ang.

Armed Veng hian hnehna chang turin an bat hmasa a, over 20 chhungin run 117 siamin wicket ruk an hloh. Chanmarians batsman-ten run 64 chauh an siam a, Armed Veng bowler-te'n over 18.1-ah an vawm out vek.

Inkhel hnuhnung zawkah Zarkawt Lords-in bat hmasain over 20 chhungin run 92 chauh siam theiin wicket riat an hloh. Chaltlang tan awlsam taka umphak theih tur niin lang mah se over 19.4 ah wicket riat hlohin an target hi an umpha chauh. Chaltlang hi wicket hniha chakin MCL 4th Edition-ah match thum khelhah vawi thum chakin hneh loh an la tawng lo a ni.