Transfer vanga buai lo Lukaku

Everton striker Romelu Lukaku chuan tun hnaiah a khelh ṭhat em avangin an club manager Roberto Martinez-a'n a chelh theih loh a hlauhthawn thu sawi mah se transfer chungchang vanga a buai loh thu a sawi.

Kum 22-a upa striker chuan, "Club chhuahsan lam ka ngaihtuah lo a, tunah chuan March 19-a Everton nen kan inhmachhawn tur chiah ka rilruah a awm a, hnehna chan ngei ka duh a ni," a ti.

Belgian striker hian season hmasa khan inelna hrang hrangah vawi 48 inlanin goal 20 a khung a, tun season-ah vawi 36 inlan tawhin goal 25 a khung tling der tawh.

Everton chanchina season khata goal khung hnem ber record thar siamtu striker chuan, "Season ṭha tak ka hmang mek a, tuna ka duh ber awmchhun chu hmasawn zela season tharah tun aia ṭha zawka khelh a ni," tiin hmasawn zel a tum thu a sawi.