Champhai-in Mamit lehthal

MFA Cup 2016 opening match-ah Champhai aiawh Zotlang FC leh Mamit aiawh Venghlun FC ten inkhel hmuhnawm an lantir nghal. Champhai lamin Mamit laka goal hnih an phurh zet hnuah 4-2 in an lehthal.

Nimina Khaw-tetlang Field, Ser-chhip-a inkhel hma^--sa zawkah first half-ah goal a lut lo a, second half-ah C. Zo-hmingthanga leh Danny Lalnun-mawia te hmangin Venghlun FC-in hma an hruai. Si phurh sut nan Cham-phai khaw club-in minute 19 an nei a, Zotlang FC hian Lalmalsawma, Zonun-sanga Hmar, John Lalnunmawia leh Lalhmuchhuaka te hmangin an lehthal.

Inkhel hnuhnung zawkah Lunglei DFA aiawh Zotlang FC leh inelna thlengtu Serchhip DFA aiawh New Serchhip te goal awm loin an inhnehtawk. Group A team te hi naktukah an inkhel leh dawn a, Zotlang FC hming pu pahnih bakah Venghlun FC leh New Serchhip te an inhmachhawn ang.

Vawiin hian MPL5 khel tura inpet tling Chhinga Veng FC leh Lawngtlai DFA aiawh Young Learners FC te chhun dar 12:30-ah an inkhel ang a; tlai dar 2:30-ah Siaha FC leh Project Veng FC (Kolasib) te an inkhel leh ang.

Nimin Result

Zotlang FC 4 - 2 Venghlun FC

Venghlun FC : C. Zohmingthanga 69'; Danny Lalnunmawia 71'

Zotlang FC : Lalmalsawma 75'; Zo­nun­sanga Hmar 76'; John Lalnun­mawia 90+2'; Lalhmuchhuaka 90+3'

Zotlang FC 0 - 0 New Serchhip

Vawiin Inkhel Tur

12:30 PM Chhinga Veng FC Vs Young Learners FC

02:30 PM Siaha FC Vs Project Veng FC