All-England champion Lin Dan

Pathianni zan khan badminton khawvela inelna ngaihhlut tak All-England Open final khelh a ni a, Lin Dan chuan Tian Houwei hnehin a vawi ruk nan a champion. Chinese legend hian a hnampui Houwei lakah hian 21-9, 21-10 in hnehna a chang.

Kum 32-a upa Lin Dan hian Olympic gold medal pahnih a la tawh a, World Championship-ah pawh vawi nga ngawt champion tawhin tun dinhmunah world number 4 a ni mek.

Kum li hnua All-England title la tu Lin Dan chuan, "Ka kum upa deuh tawh mah se ṭha takin ka la inkhel thei a, kum 33 ka nih hunah pawh player ṭha ka la nih zia lantir ka tum ang. Inkhel hautak tak hmachhawn turin ka inbuatsaih a, ka beisei aiin a hahdam thlak phian a, a lawmawm hle," a ti.

Hmeichhe lamah Japan shuttler Nozomi Okuhara chuan a kum 21 tlin champa a lawm zanah vawi hnih lo champion tawh Chinese shuttler Wang Shixian chu 21-11, 16-21, 21-19 in a hneh a, All England title a vawi khat lakna chiah a ni nghe nghe.

Hmeichhe single final hi an inhnehtawk hle a, minute 99 chhung ngawt khelh niin he tour-namnet-a women’s single match rei ber minute 76 chu a rawn khum chiang hle a ni.

All-England Open Results

Men's singles : Lin Dan bt Tian Houwei 21-9, 21-10.

Women's singles : Nozomi Okuhara bt Wang Shixian 21-11, 16-21, 21-19.

Women's doubles : Misaki Matsutomo bt Yu Yang

Ayaka Takahashi Tang Yuanting 21-10, 21-12.

Mixed doubles : Praveen Jordan bt Joachim Fischer Nielsen

Debby Susanto Christina Pedersen 21-12, 21-17.