Rashford koh a la hun lo - Butt

Nicky Butt chuan Manchester United tana a game hmasa pahnih aṭanga goal li khung thei Marcus Rashford chu Euro 2016 khel tur England squad-ah telh a la hun loa a hriat thu a sawi.

England tana match 39 lo khel tawh Butt chuan, "Rashford hi kum 18-a upa chauh a la ni a, zir tur ala ngah bakah kawng thui tak zawh tur a la nei. Roy Hodgson hian a ko a nih chuan mipuiin a chungah beiseina sang tak an nei dawn a, a tan a la ṭha lo zawk thei," a ti.