Ibrahimovic vs Eiffel Tower

Zlatan Ibrahimovic-a'n Paris Saint-Germain chu French Ligue 1 title a lak pui hnuah season tharah chuan Paris-ah cham chhunzawm a tum loh thu leh Eiffel Tower chu ama lim (statue) a an thlak a nih chuan a inngaihtuah ṭhat tur thu a sawi a, he thu hian sawi zui a hlawh.

Sweden international hian tun season league match 30 khelh tawh aṭanga goal 27 khungin a club chu inkhelh hmabak match riat la nei chunghin title a lak pui thei a, mahse tun season tawp ruala a con-tract tawp zui ve tur chu pawh sei a tum lo.

Eiffel Tower chuan Twit---ter-ah thuchhuah siam-in, "Zlatan i fiamthu kha ka duh lutuk, he hmun aṭang hian khawpui mawi zia chu a lang thei a, kei hi Paris Tower chu ka ni," an ti.

France khawpui Paris-a awm, Eiffel Tower hi meter 300 zeta sang niin kum 1887 January 28 khan sak ṭan niin 1889 March 31 khan hawn a ni a, a siamtu company engineer Gustave Eiffel hming chawi-in a hming hi sak a ni nghe nghe; Paris ti hming-thang-tute zinga mi niin khual-zin hiptu ber pakhat ni.

Kum 34-a upa Inbra-himovic hi Europe-a club ṭha Ajax, Juventus, Barcelona, Inter Milan leh AC Milan tan pawh a lo khel tawh a, ram hrang hrang pangaah league title 11 zet a la tawh. A kum tam deuh tawh mah se Premier Legue club lian ṭhenkhat chuan an la ngaihven hle nia sawi a ni.