Euro 2016 khel thei lo tur Bakkali

Belgium international Zakaria Bakkali chu season tawp thleng hliam vanga a inlan theih loh tur thu a club khelhna Valencia-in an puang a, Euro 2016-ah ram aiawhin a inlan thei dawn ta lo.

Kum 20-a upa winger hi La Liga-a a season hmasa berah hliam vangin a buai ngun hle a, February 10-a Copa del Rey semi-final second leg-a Barcelona an hmachhawn ṭuma a inhliam hnuah Spanish club tan hian a la inlan leh lo.

Valencia chuan, "Kan player hi Belgium-ah club chief of the medical staff Dr. Albors chuan a ṭawiawm a, a kap bawr na zai a nih hnuah thla thum aṭanga thla li tal a chawlh a ngai dawn a ni," tiin thuchhuah an siam.