Diego Costa hrem a ni dawn

Chelsea striker Diego Costa chu Everton nen an inhmachhawn ṭuma mawi lo taka a chet avangin Foot-ball Association chuan a hrem dawn a, Spain in-ter-national chet dan chu a mawi loh takzet thu English FA chuan an puang.

Kum 27-a upa Costa hian inkhelh laiin Everton midfielder Gareth Barry chu a seh niin a lang a, Costa leh Barry ngei pawhin engmah a thlen loh thu sawi mah se FA lam chuan Costa khawsazia hi a mawi lo tiin hrem an tum ta tho a ni.

FA chuan, "Costa-a'n a yellow card pahnihna hmu tura a chet dan kha a mawi lo takzet a, Football Association chuan kha-tiang thil thleng mawi lo kha ṭha a ti lo takzet a ni," tiin thuchhuah an siam.

Costa hian March 17 zan dar 11:30 thleng FA-in nungchang mawi loa an puhna hi a khinglet thei dawn a, a insawifiahna hi pawm a nih loh chuan hrem a nihna tur hi puan-zar a ni leh ang.