Ivanovic leh Bencic an tla

BNP Paribas Open khelh mekah hmeichhe single lamah beisei loh result kan hmu a, seeded pasarihna Belinda Ben-cic chu Magdalena Ryba-rikova lakah chak loin he hmuna lo champion tawh Ana Ivanovic pawh Karolina Pliskova lakah chak loin third round aṭangin an tla.

World number 1 hlui Ivanmovic hi Pliskova lak-ah hian minute 49 chhung lekin 6-2, 6-0 in a tlawm a; Swiss star Bencis hi world number 97 Rybarikova lakah 6-4 3-6 6-3 in a chak lo bawk.

Serbian star Ivanovic hian beiseina sang tak nen BNP Paribas Open hi a khel a, a tournament khelh hnuhnung pahnih Dubai leh St. Petersburg-ah te quarterfinal leh semi-final a inhlangkai thei, mahse tun ṭumah erawh tun hmaa an intawn vawi thuma a lo hneh vek ṭhin chu hneh loin beisei angin a thleng sang ta lo a ni.

Hmeichhe single-ah hian champion tura rinkai world number 1 Serena Williams chuan third round a lo paltlang tawh a, tukin dar 5:30 hian Bondarenko nen an inhmachhawn leh a ni.