Spanish La Liga-ah Espanyol leh Granada inhnehtawk

Thawhṭanni zan Spanish La Liga inkhelah table mawng lama awm Granada leh Espanyol te chu goal khat ve ve khungin an inhnehtawk.

Estadio Nuevo Los Carmenes-a inkhelah Granada striker David Barral chu first half-ah hnawh-chhuah a ni a, mahse Ruben Rochina goal hmangin hma an hruai thei tho. Granada hian minute 82 thleng chu an goal an venghim thei. Amaherawhchu defender Miguel Lopes-a'n anmahni lamah a tih luh palh avangin team pahnihin point khat ve ve an hmu.

He inkhel result avang hian Espanyol chuan point 32 hmuin relagation zone chu point ngain an chhuah san rih a, Granada erawhin point 27 hmuin table-ah 17-na dinhmun luah mah se 18-na Getafe nen an point hmuh a in zat mek.