Curry piancham lawm nan Warriors chak

NBA Most Valuable Player Stephen Curry chuan March 14 khan kum 28 a tling chiah; a hun hlimawm tawn hi Thawh-lehni zingah Golden State Warriors-in New Orleans Peli-cans 125-107 a an hnehna hian a belhchhah ngei ang.

American point guard Curry hian Pelicans lakah hian point 27 a score bakah assist vawi nga a nei bawk a, ani bakah hian Draymond Green-a'n double-double a nei thei a, power for-ward Green hian point 14 a hlawh-chhuah bakah rebound vawi 12 ngawt a la thei bawk a ni.

Tun season NBA khel mekah Worriors hian match 60 hnehna chang tawhin vawi ruk chiah chak loh an la nei a, match 19 khelh hmabak an la neih
aṭangin season khata vawi 72 hnehna chang thei record kum 1995-69 a Chicago Bulls-in an lo siam tawh chu an um ve zel.