Euro zawha chawl tur Conte

Italian Football Federation (FIGC) president Carlo Tavecchio chuan an ram team coach Antonio Conte chuan Euro 2016 khelh zawh hunah a hna a chawlhsan tur thu a sawi.

FIGC board meeting thuchhuah sawiin Ta-vecchio chuan, "Conte hian European Championship zawhah national team a enkawlna hna hi a chawlhsan ang," a ti.

Italy international hlui Conte hian kum 1991-2004 chhung khan Juve tan lo khel tawhin Champions League-ah a champion pui bakah league title panga a chawi bawk. Coaching a luhchilh hnuah kum 2011-14 chhung khan Juve en-kawlin a zawnin vawi thum league title a lak pui thei a, chumi hnuah an ram team a enkawl zui ta a ni.

Tavecchio thu sawi avang hian kum 46-a upa Conte hian season tharah chuan Premier League champion Chelsea a pan dawn niin a ngaih theih. Blues hian nikum kum tawp lama manager Jose Mourinho an ban hnuah Guus Hiddink chu ruai lai-lawk mah se manager nghet tur an la zawng reng a ni.