Stevens-a'n contract pawt sei

NBA team Boston Celtics chuan an head coach Brad Stevens chu contract thar an ziahpui, an inremna zat leh a hun chhung tarlan a ni lo; Stevens hian 2021-22 season thleng daih contract a nei a, a pawhsei rualin a hlawh pawh a pun ngei a rinawm.

Kum 43 mi Stevens hian 2013 khan Celtics hi a zawm a, a tirah chuan kum ruk daih contract a ziak; June, 2016 khan a contract hi ennawn niin, a hlawh pawh a pung. Regular season a hman tawh zawng zawngah a naute hi vawi 318 a chakpui a, ṭum 245 a chak lo thung - tun hnaiah a zawnin season ruk chhung chu playoff an khel phak ziah.

Playoff lamah pawh sulhnu a nei ṭha, 2017 leh 2018 khan conference final lutin an chak lo. Season hmasa erawh kha chuan playoff-ah beisei an phak lo a, final an thleng phak lo. Season kal laiah match 48 chak tawhin vawi 23 an chak lo thung a, Eastern Conference-ah pathumna dinhmun an luah; team ṭha leh hlauhawm ber ni lo mah se champion beiseiawm zinga mi an ni phak.