Lillard awmna Blazers tan kawng a la awm

Damian Lillard-a point 42 neih hmangin Portland Trail Blazers chuan Brooklyn Nets 134-133 in an hneh a, NBA playoff khel turin an beiseina a la thi lo. Western Conference-ah Blazers hi pariatna an ni a, an hnuai chiaha awm Memphis Grizzlies nen playoff khel zawk tur an zawng leh ang.

Blazers leh Memphis Grizzlies inkhela chak zawk hian conference hmahruaitu Los Angeles Lakers an hmachhawn dawn. Lakers hi inkharkhip hmaa playoff khel tura tling thei tawh kha an ni a, paltlang chu a awlsam dawn lo.

Nimin zing regular season inkhel dangah Memphis Grizzlies, Phoenix Suns, Utah Jazz, Washington Wizards, Orlando Magic leh Sacramento Kings te chuan an khingpui ṭheuh an hneh ve bawk.