Zaninah chung leng leh hnuai leng

Zanin dar 8:00 hian Hawla Indoor Stadium-ah Mizoram Super League league stage-a hma-hruai--tu ni thei Mission Veng Vikings leh table mawngphaha awm Chal-tlang Ryders te an inkhel ang.

MSL2-ah hian team tinte vawi khat ṭheuh an in-khelh kual hnuah a sang paliin semifinal an khel dawn a, a mawngphah pa-hnihin relegation playoff an khel ang. Vikings hian semifinal an lut chiang tawh a, zanina an result hian an khingpui tur a hril ang.

Vikings hian Khatla TBL (71-86), Zarkawt Serpents (67-61) leh Zar-kawt BCA (84-76) te an hneh tawh a, an hneh loh awmchhun chu Tuikual South chiah an ni. Ryders erawhin an khingpui apiang an hneh lo a, state pawn player pahnih kawl chunga league stage-a hneh an neih loh chuan mualphona a ni thei ang.

Mission Veng Viking hian an match hnuhnung pahniha an chhawr Di-shant V Shah chu a haw leh tawh avangin an chhawr thei dawn lo a, Gujarat center hi semifinal khel turin a lo kir leh ang.

Eng nge an sawi?

Vikings manager H. Lalhruaitluanga chuan, "Inkhel zawng zawng a pawimawh vek a, Ryders hian an theih tawpin min bei dawn tih kan hriat avangin inbuatsaihna pawh kan nei ngawrh hle. Chak loh duh lo kan nih avangin kan ṭhat theih dan berin kan khel ang," a ti.

Chaltlang Ryders coach Peter Lalrintluanga chuan, "Kan tan semifinal luh a beiseiawm tawh lo a, kan dinhmun kan hriatchian avangin rele-gation play off kan khelh tur inbuatsaih nan kan hmang nghal dawn a, league match hnuhnung ber tur a nih tawh avangin chak ngei kan tum," tiin Vanglaini palai a hrilh.